Home » , » Taringot (Terkenang)

Taringot (Terkenang)

Taringot
Karya: Mustopa Kamal Batubara











Di sada huta i
Di Mandailing godang i
Di sada ari i
Ari na so tarlupaon i

Disima tano sorang
Disima hatubuan
Disima tano marmayam
Marmayam dohot dongan-dongan

Saba na bolak jadi saksi
Dolok na lampas mamboto doi
Carito ni ngolu na salpu i

Sannari au madung di na dao
Na mandalani takdir ni tuhan
Kenangan na salpu totop do u ingot
Inda angkan unjung au lupa

Isadun dope roai dongan-dongan i
Situtu do lungun ni roha tu alai
Sannari inda dong kabar barita
Sanga na dung idia alai tubuna

Por do roha mulak tu huta
Marsuo dohot koum sasudena
Tai andigan do roai waktuna
Tuhan juo do na mambotosa

O ale dongan magodang
Sanga idia pe homu maringanan
Carito i sai totop do u ingot
Janjintai sai totop do u tiop

Purcaya do au janji mata niari
Na so unjung mangkhianati
Yakin do au di sada ari
Ita sude dipasuohon ilahi


Terkenang

Di sebuah desa
Di Mandailing Raya
Di suatu hari
Hari yang takkan terlupakan

Disanalah tanah kelahiran
Disana tempatku dibesarkan
Disanalah tempat bermain
Bermain dengan teman sebaya

Sawah yang luas menjadi saksi
Bukit yang tinggi mengetahui
Kisah hidup di masa lampau

Sekarang daku telah di rantau
Menjalani takdir dari tuhan
Kenangan nan lalu kan selalu ku ingat
Takkan pernah daku lupakan

Apakah sahabat-sahabatku masih di sana
Aku sangat merindukan mereka
Sekarang tiada lagi kabar berita
Entah dimana mereka berada

Ingin rasanya pulang ke kampung
Berjumpa dengan sanak saudara
Tapi kapankah waktunya
Hanya tuhanlah yang tahu

Oh sahabat-sahabat karibku
Dimana pun kalian berada
Kisah kita kan selalu ku ingat
Janji kita kan ku pegang erat

Aku percaya janji mentari
Yang takkan pernah mengkhianati
Aku yakin suatu hari
Kita kan dipertemukan ilahi

0 comments:

Berlangganan Kampedia Gratis

Terpopuler di Kampedia

Kirim Pesan ke Kampedia

Name

Email *

Message *

Online